Pistorius kærir dómin

Heimskendi ítróttarmaðurin í frælsum ítrótti, Oscar Pistorius, fer at kæra dómin um at leingja fongsulsrevsingina upp í 13 ár og 5 mánaðir til suðurafrikanska grundlógardómstólin, sigur tíðindastovan, Eye Witness News.

Oscar Pistorius er dømdur fyri at hava dripið unnustu sína, Reevu Steenkamp.

Hann varð fongslaður í juli í fjør, eftir at verða funnin sekur í at hava hava dripið unnustu sína í íbúðini í 2013.

Hann skeyt fýra skot gjøgnum eina hurð í baðirúminum. Pistorius segði, at hann skeyt, tí hann helt, at onkur ætlaði at bróta inn.

Men dómararnir komu til ta niðurstøðu, at hann var komin til ilnar við unnustuna, og tí skeyt hann hana.

Pistorius varð dømdur seks ára fongsulsrevsing, men ákæruvaldið varð ikki nøgt við dómin, og tað helt hægsti kærudómstólurin heldur ikki, tí í november meira enn tvífaldaði hann revsingina upp í 13 ár og fimm mánaðir.

Tað er henda dómin, sum Oscar Pistorius nú fer at kæra til grundlógardómstólin í Suðurafrika.