Trump hevur biðið um 111 milliardir til múrin

Donald Trump hevur nú biðið lóggávutingið í USA um slakar 18 millardir dollarar, tað eru 111 milliardir danskar krónur, næstu 10 árini til at fíggja múrin, sum skal reisast á markinum til Meksiko. Tað skrivar Wall Street Journal. Múrurin verður 1100 kilometrar langur.

Undir valstríðnum segði Trump annars, at Meksiko skuldi sjálvt rinda fyri múrin á markinum millum USA og Meksiko. Ætlanin er, at múrurin skal steðga ólógligu tilflytingini, og at forða fyri, at rúsevni verður flutt millum londini.

Trump biður um pengar, nú samráðingar eru um fíggjarlógina í USA.