Fólkatalið veksur skjótast í Vágum í prosentum

Í prosentum vaks fólkatalið nógv mest í Vágum í fjør.

Har vaks tað 2,5 prosent.

Í Steymoynni vaks tað 2,2 prosent, í Eysturoynni 1,8 prosent, í Norðoyggjum 1,2 prosent og í Tórshavnar kommunu vaks fólkatalið 1,1 prosent í 2017. 

Hagstovan sigur, at síðani fólkavøksturin tók dik á seg fyri góðum trimum árum síðani, var hann av tí mesta í Tórshavnarøkinum. 

Tað broyttist í fjør. Í 2017 átti Tórshavnarøkið 32 prosent av fólkavøkstrinum í Føroyum, men talið var 55 prosent í 2016.