- Tíðindi, mentan og ítróttur
Ísrael bumbar Gaza
Ísrael bumbar Gaza
Ísraelsk stríðsflogfør bumbaðu í morgun mál hjá Hamas-rørsluna í Gazageiranum í hevnd fyri álop á Ísrael um vikuskiftið
19.02.2018 - 14:20
Álopið var hevnd fyri rakettálop á Ísrael um vikuskiftið, sigur ísraelski herurin.
Einki er frætt um, at nakar hevur latið lív ella er særdur í álopinum á Gazageiran.
Um vikuskifti bumbaði Ísrael fleiri mál í Gazageiranum, og tveir palestinskir unglingar lótu lív.
Frammanundan vórðu fýra ísraelskir hermenn særdir av eini spreinging á markinum millum Ísrael og Gazageiran.
Tað hevur annars verið toluliga friðarligt í Gazageiranum, síðan kriggið millum Ísreal og Hamas í 2014.
Men tá amerikanski forsetin, Donald Trump, kunngjørdi í desember, at USA fer at viðurkenna Jerusalem sum høvuðsstað Ísraels, kyknaði ófriðurin aftur.
Er kopiera
Nýggjastu sendingar í ÚV
Nýggjastu sendingar í SV
