Vitlíki hjálpir, men næmingar læra ikki meira

Vitlíki kann hjálpa næmingum at gera skúlating skjótari, men tað merkir ikki neyðturviliga, at teir læra meira.

Granskarar hava fylgt 27.000 næmingum í Kina, skrivar The Economist. 

Næmingarnir, sum brúktu vitlíki, fingu betri próvtøl fyri síni skúlating og loystu uppgávurnar skjótari. Men til próvtøkurnar vóru próvtølini í miðal 20 prosent minni enn hjá næmingunum, sum ikki brúkti vitlíki. 

Munurin sjónligur

Munurin var sera sjónligur, tá ið talan var um næmingarnar, sum skundaðu sær við skúlatingunum. Teir, sum brúktu vitlíki, men framvegis brúktu tíð upp á uppgávurnar, kláraðu seg betur. 

Úrslitini benda á, at mátin, sum vitlíki verður brúkt, hevur týdning. 

Um vitlíki verður nýtt sum hjálp til at skilja okkurt, sum er torført, skjótari, kann tað vera gagnligt hjá næmingunum at brúka. 

Men verður tað brúkt til at fáa liðug svar, kann tað gera, at teir læra minni, skrivar The Economist.