Val í Spania 29. november

Val verður í Spania 29. november.

Tað boðaði Pedro Sánchez, forsætisráðharri, frá, tá hann helt røðu fyri tjóðini í morgun. 

Tíggjutúsundtals spaniólar hava seinastu vikurnar mótmælt bústaðarneyðini í landinum, og í síðstu viku eydnaðist tað ikki minnilutastjórnini hjá Sanchez at samtykkja eitt stórt bústaðar-nýskipanarlógaruppskot í tjóðartinginum.

Sánchez er leiðari í sosialistiska arbeiðaraflokkinum (PSOE), og hevur verið forsætisráðharri síðani 2018.

Samgonga hansara hevur staðið seg illa í veljarakanningunum. 

Val verður í Spania í ótíð, tí valskeiðið er ikki úti fyrr enn í august næsta ár.