Weinstein í gjaldssteðg

Samstundis er kravið um tagnarskyldu hjá starvsfólkunum strikað. 

Weinstein hevur verið stjórið í The Weinstein Company, men hann og navn hansara hava verið nógv umrødd seinastu tíðina, og hann er lagdur undir at hava framt kynsligan ágang og harðskap.

Felagið hevur nú biðið um gjaldssteðg, men felagið Lantern Capital Partners hevur bjóðað uppá ognirnar hjá felagnum.

Weinstein-felagið sigur í fráboðan, at hóast felagið er um at fara á húsagang, so vilja eigararnir fáa so nógv burturúr sínum ognum sum møguligt til frama fyri sínar lánveitarar. Í fráboðanini stendur eisini, at felagið fer at hjálpa offrum hjá Weinstein at fáa rættvísi.

Í november kom tað undan kavi, at Weinstein-felagið hevur fingið starvsfólkini at skrivað undir tagnarskyldu. Men henda tagnarskylda er nú strikað.

- Eingin eigur at vera bangin fyri at tosa ella at vera noyddur til at tiga, sigur felagið í fráboðanini.

Eris Schneiderman, ríkisadvokatur í New York, reisti í februar, vegna starvsfólkini, sak móti The Weinstein Company. Í gjár skrivaði hann á Twitter, at hann og starvsfólkini hava leingi bíðað eftir hesum stigi, skrivar The Guardian.