Illgruni um álop við eiturgassi í Sýria

Illgruni er um, at eiturgass er brúkt í einum álopi í sýriska býnum Douma í gjár, har 70 fólk eru deyð.

Tað skriva BBC, CNN og Al-Jazzera.

Felagsskapurin fyri sýrar í útlegd, SOHR, og fleiri hjálparfelagsskapir skuldseta sýrisku stjórnina fyri at hava brúkt eiturvápn í álopinum í Douma. 

Í minsta lagi 70 fólk eru deyð, sigur hjálparfelagsskapurin Hvítu hjálmarnir.  

Óheftar keldur hava ikki váttað talið av deyðum ella illgrunan um, at eiturgass er brúkt.

Douma er seinasti býurin í Eystur-Ghouta, sum uppreistrar-deildir enn hava valdið á. 

Sí upptøkur frá AP.