- Tíðindi, mentan og ítróttur
Yvirgangsmenn handtiknir í Svøríki
![](https://kvf.fo/sites/default/files/styles/grein-ovasta-mynd/public/flottafolk-svoriki-ap-november-2015.jpg?itok=09hSI0Ud)
Sambært svenska ríkissjónvarpinum sita persónarnir nú í varðhaldi.
Svenska trygdarløgreglan Säpo gjørdi saman við løgregluni átøk fleiri staðni í landinum í morgun, og teir tríggir persónarnir vórðu handtiknir í ávikavist norðursvøríki og í høvuðsstaðarøkinum.
Per Lindqvist, ákæri, sigur við SVT, at løgreglan hevur havt persónarnar í kikaranum eina tíð, og hann leggur dent á, at í løtuni eru ábendingar ikki um, at álop skuldi gerast næstu dagarnar.
Sambært Säpo hevur málið greinar til onnur lond.
- Hetta snýr seg um yvirgang við altjóða sambondum, sigur Nina Oder-malm Schei, sum er samskiftsstjóri hjá Säpo við TV4.
Säpo vil ikki siga, um ætlanin var at fremja yvirgangsatsóknina í Svøríki ella aðrastaðni.
Á einum stiga upp í fimm liggur yvirgangshóttanin í Svøríki á triðja stigi í løtuni, skrivar SVT.