Iran tilreiðar at ríka uran aftur

Iran tilreiðar at ríka uran aftur
USA hevur tikið seg úr kjarnorkuavtaluni við Iran, og nú fer Iran aftur at ríka uran ídnarliga. Tað sigur
 
09.05.2018 - 11:14

- Eg havi givið iranska kjarnorkufelagnum, AEOI, boð um at verða tilreiðar at halda fram við at ríka uran ídnaðarliga - og uttan avmarkingar.

Tað sigur Hassan Rouhani, forseti í Iran sambært dagblaðnum Teheran Times, nú USA hevur tikið seg úr kjarnorkuavtaluni.

Hann sigur tó, at Iran fer at virða avtaluna, um hini londini í avtaluni virða treytirnar í henni.

Iranski forsetin leggur herðslu á, at Iran allatíðina hevur hildið avtaluna, men at tað er USA, sum ikki hevur staðið við sínar skyldur í sáttmálanum.

Rouhani vísir eisini á, at amerikanski forsetin hevur lyndi til at leypa frá altjóða avtalum. Her sipar iranski forsetin til Parísavtaluna um veðurlagspolitikk, sum USA eisini hevði skrivað undir, men sum Donald Trump, forseti síðani tók USA úr.

Hassan Rouhani sigur, at nú eru tað bara tey nationalu áhugamálini hjá Iran sum telja.

- Avgerðin hjá Trump er byrjanin til eitt psykologiskt kríggj móti Iran, men okkara djarva fólk fer ikki at lata seg ávirkað av hesum álopinum, sigur hann.

Hassan Rouhani leggur dent á, at kjarnorkuvápnaavtalan nú er millum Iran og tey fimm londini, sum eftir eru. Tey eru Bretland, Frakland, Týskland, Russland og Kina.

Iranska uttanríkisráðið fer komandi vikurnar at tingast við tey londini um kjarnorkuvápnaavtaluna, sigur iranski forsetin, sambært Teheran Times.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592