Skottilburður í Belgia kannaður sum yvirgangur

Tað skrivar France 24, sum endurgevur belgisk kanningarfólk.

Tað var fyrrapartin um hálvgum ellivu-tíðina, at ein maður, vápnaður við knívi, leyp á tveir politistar, sum vendu honum bakið. Maðurin tók skotvápið frá øðrum politistunum og skeyt báðar til deyða. Síðani skeyt hann ein borgara, sum sat í einum parkeraðum bili nærhendis.

Borgmeistarin í Liége váttar, sambært France 24, at báðir politistarnir vóru kvinnur.

Álopsmaðurin flýddi síðani inn í ein skúla, har løgreglan skeyt og drap hann. Fleiri onnur politifólk vórðu særd undir tilburðinum, sigur almenni ákærin sambært France 24.

Liége liggur 90 kilometrar eystanfyri Brússel.

Ein brúkari á sosiala miðlinum, Twitter, hevur fangað løtuna, tá skotið verður og ruðuleiki stingur seg upp á gøtunum í Liége. 

Coups de feu à Liège, évacuation du boulevard d’Avroy. Beaucoup de voitures de police sur place + secours #Avroy #Liege #gunshot pic.twitter.com/CLXo16nST3

— Victor ⌬ (@VICTORJ_FR) May 29, 2018