Tilmæli um pensjónir hjá løgtingsfólkum á veg

01.06.2018 - 15:45
AktueltPolitikkur
Tilmæli um pensjónir hjá løgtingsfólkum á veg
Í næstu viku fær Páll á Reynatúgvu, løgtingsformaður tilmæli um, hvussu eftirlønir og lønir hjá løgtingsfólkum eiga at verða.
 

Páll á Reynatúgvu, løgtingsformaður, gjørdi fyrst í árinum av at seta ein bólk við m.a. Jógvani Amonsson, grannskoðara, at finna eina nýggja pensjónsskipan til løgtingsfólk.

Hetta stigið varð tikið eftir, at málið hevði staðið á arbeiðsskránni í fleri ár men uttan semju millum formenninar í politisku flokkunum ella nakað úrslit.

Løgtingsfólk hava eina pensjónsskipan, sum víkir munandi frá tí, sum onnur fólk í samfelagnum hava. Og sum eisini er munandi dýrari og betri, enn tildømis landsstýrisfólk nú hava. Løgtingsfólk vinna sær rætt til fulla tænastumannapensjón eftir bara at hava verið í tingsessinum í sekstan ár. 

Um ætlanin er, at eftirlønin hjá tingfólki skal vera, sum hon er hjá landsstýrisfólki, so skulu tingfólk sjálv spara upp til eftirløn. Tann broytingin varð gjørd fyri landsstýrisfólk fyri nøkrum árum síðani, og tá fingu tey eina munandi lønarhækking samstundis.

Tá fekk tingformaðurin eisini lønarhækkingina, men varðveitti gamla rættin til fulla tænastumannapensjón.

Um tingfólk eisini skulu hava lønarhækking, nú teirra pensjón verður nýskipað, fæst at vita í næstu viku, tá tilmælið verður latið løgtingsformanninum.

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403