Boris Johnson gevst sum uttanríkisráðharri

Bretski uttanríkisráðharrin, Boris Johnson, hevur lagt frá sær.

Í eini fráboðan frá Downing Street stendur, at Theresa May hevur tikið ímóti fráfaringarboðunum hjá uttanríkisráðharranum, og at hon skjótt fer at kunngera, hvør kemur í hansara stað

Stórur politiskur ófriður er í bretsku stjórnini og í parlamentinum av Brexit. Seint í gjárskvøldið legði Brexit-ráðharrin David Davis frá sær, og nú hevur Boris Johnson so sagt seg frá. 

Í dag skal Theresa May greiða parlamentinum frá, hvussu nýggja Brexit-ætlanin hjá henni er.

BBC skrivar, at nýggja ætlanin ikki bara hevur elvt til, at David Davis og Boris Johnson eru farnir frá, men at æltlanin eisini hevur lopið øði í nógvar konservativar parlamentslimir.