Vilja forða fyri njósning í Noregi

Vilja forða fyri njósning í Noregi
Løgreglan í Noregi hevur hækkað tilbúgvingina til Alfa, sum er tað lægsta, fyri at forða fyri njósning.
Mynd: NRK  
 
23.07.2018 - 07:29

Heitt verður á løgreglufólk um at vera á varðhaldi fyri at forða útlendskum fregnartænastum at njósnast.

Orsøkin er, at í oktober og november verða 40.000 fólk úr meira enn 30 londum við í stórari NATO-venjing í Suðurnoregi.

Hetta er størsta NATO-venjing á norskari jørð síðani Kalda Kríggið. 

130 stríðsflogfør, 70 hernaðarfør og 10.000 akfør verða partur av venjingini, og fyrstu herfólkini koma til Noregs longu í august.

Hesa vikuna herdi leiðslan hjá løgregluni trygdarstigið til Alfa í øllum tólv løgregluøkjunum.

Jørn Schjeldrup, deildarleiðari í løgregluumsitingini, sigur við NRK, at hetta er lægsta tilbúgvingarstigið, sum er í Noregi, og tað snýr seg um at vera meira á varðhaldi. 

- Vit hava ikki økt hóttanarstig í Noregi, men sum meginreglu kunnu vit siga, at so stór venjing fer at vekja áhuga hjá eitt nú fregnartænastum í øðrum londum, sigur Schjeldrup.

Stjórin fyri norsku trygdartænastuni, PST, Trond Hugubakken, sigur við NRK, at fregnartænastur brúka ymiskar mátar at skaffa sær upplýsingar. Tað kann alt vera frá at hava persónar, sum hava eyga við økjunum, har venjingar eru, til at tiltuska sær upplýsingar við at at brúka ymiskt tøkni.

Norska verjan hevur fyrr skrivað, at venjingin snýr seg m.a. um at royna nýggjar skipanir, og tað hevur helst áhuga hjá útlendskum fregnartænastum.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592