Týsku myndugleikarnir kendu til skattasvik

Týsku myndugleikarnir vistu um skattasvik í Týsklandi í trý ár, áðrenn somu skattasvik vórðu framd í Danmark.  Men donsku myndugleikarnir fingi einki at vita úr Týsklandi.

Tað vísa loynilig skjøl sum DR hevur fingið innlit í, og skjølini hava vakt undran í Danmark, skrivar DR.

Tað vóru somu fólk sum vórðu avdúkað í Týsklandi, sum frá 2012 til 2015 snýttu danska statskassan fyri 12,7 milliardir kr.

Og høvdu myndugleikarnir fingið at vita tað sum týsku myndugleikarnir vistu, so kundi verið forðað fyri snýti í Danmark.

Skjøl í Týsklandi vísa, at longu í 2012 fann týska løgreglan skjøl, sum vístu, at Danmark kundi vera eitt avmálunum hjá skattasnýtarunum.

At Danmark einki fekk at vita úr Týsklandi er burturvið, siga serfrøðingar í skattarætti, tí londini eru grannalond, og bæði londini eru limir í ES.