Grønlendsku floghavnirnar bodnar út í næstum

Tað upplýsir felagið Kalaallit Airports, sum skal byggja floghavnirnar, fyri grønlendska kringvarpinum. 

Stjórin í felagnum, Steffen Ulrich-Lynge, fegnast um, at landstingið hevur avgreitt málið um nýggju floghavnirnar.

Felagið væntar, at tað verður greitt í mai næsta ár, hvør fær arbeiðið, og ætlanin er at fara undir arbeiðið stutt eftir.

Kalaallit Airports hevur undangóðkent eitt byggifelag aftrat.

Tað er Bird Johnson Joint Venture, sum hevur staðið fyri stórum byggifyritøkum í Kanada.

Eitt kinesiskt byggifelag er eisini góðkent at bjóða upp á floghavnirnar í Grønlandi. 

Tað dámar hvørki donskum ella amerikanskum myndugleikum, og Danmark hevur sett 700 milliónir kr. í Kalallit Airports, helst fyri at tryggja sær, at Kina ikki fær fótin fastan í Grønlandi.

Danmark hevur sýtingarrætt, hóast danskir myndugleikar bara eiga ein triðing í felagnum.