Samráðast aftur í morgin

Heilsurøktarafelagið, Fíggjarmálaráðið og Kommunala Arbeiðsgevarafelagið fara aftur til samráðingarborðið um middagsleitið í morgin.

Partarnir fóru á fund klokkan 13 í dag, og hava tingast allan seinnapartin. Rakul í Gerðinum, forkvinna í Heilsurøktarafelagnum sigur við útvarpið, at samráðingarnar ganga væl.

- Men vit hava avgjørt at taka ein steðg nú, og so taka vit samráðingarnar upp aftur í morgin, sigur hon.

Heilsurøktarar arbeiða í eldraøkinum, í sjúkrahúsverkinum og í Almannaverkinum.