Bankar eru óansnir við pengum og fáa av at vita

Bankar eru óansnir við pengum og fáa av at vita
12 av 15 smáum og miðalstórum bankum, sum liggja uttanfyri stórbýirnar í Danmark, hava fingið av grovfílini frá Fíggjareftirlitinum
Bankar í Danmark eru ov lagaligir við húsalánum, heldur Fíggjareftirlitið.
 
15.12.2018 - 11:52

12 av 15 smáum og miðalstórum bankum, sum liggja uttanfyri stórbýirnar Keypmannahavnmog Århus, hava fingið av grovfílini frá Fíggjareftirlitinum, tí teir taka ov stóran váða, tá teir veita lán til bústaðir í og uttanfyri Keypmannahavn og Århus.

Fíggjareftirlitið sigur, at bankarnir kappast um at vera við til at fíggja bústaðir í stóru býunum, og teir eru so tráir eftir at veita lán, at teir ikki halda treytirnar fyri útlánsvirksemi, som vórðu settar í gildi í 2016.

Fíggjareftirlitið hevur kannað útlánini hjá 15 bankum, og kanningin vísir, at í fleiri førum er skuldin hjá teimum, sum lána, meira enn fýra ferðir tað sum húskini tjena.

Klára ikki hækking

Og av tí sama klára nógv ikki, at virðið lækkar 10 prosentstig. Og so hava bankarnir eisini lánt fólki pening, sum skylda frammanundan.

Og Fíggjareftirlitið ger samstundis vart við, at talan er um fíggjarstovnar, sum vórðu kannaðir undir fíggjarkreppuni, tá teir eisini høvdu lænt ov nógvar pengar út.

Serfrøðingar siga seg vera ovfarnar av framferðini hjá bankunum, og hóast eingin fíggjarkreppa hóttir í løtuni, so minnir útlánspolitikkurin ikki sørt um, tað sum hendi uppundir fíggjarkreppuna í 2008.

Bankarnir sjálvir eru ikki samdir við Fíggjareftiriltið, og siga at teirra útlánspolitikkur er í lagi, og teir finnast samstundis at, at reglurnar eru ov strangar.

Føroysku peningastovnarnir verða ikki nevndir í kanningini hjá Fíggjareftirlitinum.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584