Jón Tyril um upphavið til G!: Tvey tiltøk smeltaðu saman til G! festivalin

Tað vóru limirnir í Clickhaze og eldsálirnar í tónleikasamtakinum Grót, ið tóku stig til G! festivalin í 2002. 

Í dokumentarfilminum "Millum himmal & helviti" frá 2017 greiddi Jón Tyril, sum er ein av stigtakarunum til G!, frá upphavinum til G!-festivalin. 

G! 2003

SÍ EISINI: "Millum himmal og helviti", KVF-dokumentarur frá 2017

Tvey onnur tiltøk gingu undan

G! kom ikki ordiliga burturúr ongum, tí tað vóru tvey onnur tiltøk í Gøtu, ið gingu undan. 

"Tá vit stovnaðu Grót í 1998, byrjaðu vit beinavegin at tosa um at gera ein tónleikafestivali. Tað vóru tiltøku á sandinum í Syðrugøtu, sum itu 'Sól og summar á Gøtusandi', og so skipaðu vit í Grót fyri konsertum í skúlagarðinum við Gøtugjógv. Og eg haldi, at tey bæði tingini vóru forleyparar til G! festivalin," greiðir Jón Tyril frá. 

G! 2003

Nøkur av ungu fólkunum, sum bygdu G! festivalin upp, eru í holt við at byggja pallin á Spæliplássinum í 2003 (Mynd: Úr dokumentarinum "Millum himmal og helviti")

Jón greiðir eisini frá, at hóast tað ikki merktist á tiltakinum, so var tað eitt øgiligt kaos handan palltjaldið, tí fólk vóru ung og óroynd.

Men talan var eisini um, at fólkini, ið tóku stig til G! festivalin, slóðaðu fyri, tí tað var púra ókent at skipa fyri uttandura festivalum í Føroyum yvir fleiri dagar.  

G! 2003

Ein blaðung Sunneva Háberg Eysturstein, ið var við til at fyriskipa G! festivalin fyrstu árini (Mynd: Úr dokumentarinum "Millum himmal og helviti")

SÍ EISINI: G! 2025: Liggið ikki sjóvarfallið av tykkum