Familjan er til reiðar at finna eina loysn

Familjan er til reiðar at finna eina loysn
Familjan hjá burturrændu Onnu-Elisabeth Hagen er til reiðar at finna eina loysn, um tey fáa váttað, at Anne-Elisabeth er á lívi
 
16.01.2019 - 08:53

Familjan hjá norsku kvinnuni, Anne-Elisabeth Hagen, sum varð rænd 31. oktober í fjør, biður nú rænararnar um at seta seg í samband við familjuna.

- Familjan vil hava Onnu-Elisabeth heimaftur í øllum góðum so skjótt sum til ber, sigur Svein Holden, sum er advokatur hjá familjuni, við norska TV2.

- Fáa tey váttan um, at alt veit væl við hjá henni, er familjan til reiðar at finna eina loysn, so hon kann verða latin leys, sigur Svein Holden.

68 ára gamla Anne-Elisabeth Hagen varð rænd í heimi sínum í Lørenskog uttan fyri Oslo 31. oktober í fjør, og síðani hevur einki lívstekin verið frá henni. 

Í einum skrivi, sum rænararnir lótu eftir seg, kravdu teir loysigjald, og teir hóttu við at drepa kvinnuna, um løgreglan kom upp í málið.

Síðani hevur lítið samband verið við gerningsmenninar, tí teir eru farnir at brúka ein talgildan samskiftispall, sum er illa egnaður at samskifta á, sigur løgreglan.

Svein Holden hevur vegna familjuna heitt á gerningsmenninar um at brúka onkran annan hátt at samskifta.

Anne-Elisabeth Hagen er gift við ríkmanninum Tom Hagen.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585