Sjey ára fongsulsdóm fyri dráp á littan tannáring

Ein fyrrverandi løgreglumaður í Chicago er dømdur sjey ára fongsulsrevsing fyri at hava dripið ein littan tannáring í 2014. Tað skrivar Ritzau. 

Tað var um várið í fjør, at løgreglumaðurin, Jason Van Dyke, varð funnin sekur í at hava skotið og dripið ein seytjan ára gamlan drong við sekstan skotum. Fríggjadagin metti eitt nevningating, at talan um var dráp, sum ikki var tilætlað, og løgreglumaðurin varð dømdur 81 mánaðar fongsulsrevsing. 

Dómurin hevur vakt miklan ans í Amerika og hevur enn eina ferð sett sjóneykuna á rasuskilnaðin í Chicago, sum er triðstørsti býurin í Amerika. 

Tað er fyrstu ferð í 50 ár, at ein løgreglumaður í Chicago er dømdur fyri gerningar, sum eru framdar til arbeiðis. Harafturat er tað fyrstu ferð, at ein løgreglumaður í Chicago er dømdur fyri drápið av einum littum persóni, skrivar TV 2.

Løgreglumaðurin skal í minsta lagi sita í fongsul í tvey ár, áðrenn hann hevur møguleika fyri at verða royndarleyslatin.