- Tíðindi, mentan og ítróttur
Stórsteypadystir verða spældir í dag
Stórsteypadystir verða spældir í dag
So rullar bólturin av álvara aftur, tí í dag eru árligu stórsteypadystirnir á Tórsvølli, og í ár sleppa kvinnurnar eisini upp í part.
03.03.2019 - 12:08
Bestu kvinnu- og mansliðini í fótbólti í fjør bresta saman í árligu stórsteypadystunum, sum Fótbóltssamband Føroya og Lions Club skipa fyri.
Kvinnurnar spæla klokkan tvey, tá greipuvinnarin EB/Streymi/Skála skal spæla móti HB, sum gjørdist nummar tvey í bæði lands- og steypakappingini.
Klokkan fimm verður dysturin hjá monnunum, og talan verður um ársins fyrsta slag um Havnina, tá HB og B36 fara á vøllin at dystast. Liðini gjørdust ávikavist føroyameistari og steypavinnari í fjør, og verða aftur í ár rokna millum favorittarnar til at vinna føroyameistaraheitið.
Ágóðin frá stórsteypadystunum fer til sjúklingahotellið í Keypmannahavn.
Er kopiera
Nýggjastu sendingar í ÚV
Nýggjastu sendingar í SV
