Nýggjur heilivágur til fólk við tunglyndi

Nú hevur heilsustýrið í USA, FDA, góðtikið doyvingarevnið, ketamin, sum heilivág fyri tunglyndi.

Hetta stendur at lesa í eitt nú The New York Times.

Í fleiri ár hevur verið granskað, hvussu ketamin riggar í sambandi viðgerð fyri tunglyndi, og nú er greitt, at ketamin í fleiri førum kann hjálpa fólki at sleppa av við tunglyndi skjótari og meira effektivt, enn við vanligum antidepressivum heilivági.

Eftir ætlan skal nýggja heilivágsevnið marknaðarførast sum næsapístr og fer at bera heitið Sprovato.

Ketamin er annars kent sum doyvingarevni til hestar, og eisini verður tað brúkt sum rúsevni, av tí at evnið kann fáa brúkaran at síggja og hoyra eitthvørt fyri sær.

Men sambært John Mann, sum er professari á psykiatrideildini á Columbia University, kann ketamin veruliga blíva til eitt gjøgnumbrot í royndini at koma tunglyndi til lívs.

Við tíðindastovuna AP vísir professarin á, at ketamin er heilt annarleiðis enn allur annar antidepressivur heilivágur.