Ov tíðliga at seta revsitiltøk móti Iran úr gildi

Forkvinnan í ES-nevndini, Ursula von der Leyen, sigur, at tað er ov tíðliga at seta revsitiltøkini móti Iran úr gildi, skrivar Reuters.

- Vit halda, at tað hevði verið ov tíðliga at tikið revsitiltøkini av, segði hon í Berlin í dag á fundi við konservativa CDU-flokkin og bayerska systurflokkin, CSU.

Hon legði aftrat, at revsitiltøkini vórðu sett í verk, tí Iran kúgaði sítt egna fólk.

- Vit mugu fyrst síggja eina broyting, eina grundleggjandi broyting í Iran, áðrenn revsitiltøkini kunnu strikast, legði von der Leyen afturat, sambært Reuters.