- Tíðindi, mentan og ítróttur
Bara eitt lið við fullum stigatali
B36 er einsamalt á odda í Betrideildini, og tað sjáldsama er, at tað eru bara teir, sum hava fult stigatal.
B36 kom upp á seks stig, tá teir við tveimum málum frá framherjanum, Brian Jacobsen, vunnu 2-1 á EB/Streymi.
Poul G. Olsen minkaði um munin, tá eitt korter var eftir, men nærri kom EB/Streymur ikki.
Í Gøtu bleiv sera undirhaldandi. Víkingur og KÍ spældur 2-2 javnleik, eftir at støðan hevði verið 0-0 í hálvleikinum.
Føroyameistarin, HB, spældi aftur javnleik. Dysturin millum HB og NSÍ endaði 1-1.
Petur Knudsen legði NSÍ á odda, tá átta minuttir vóru spældir, men í seinna hálvleiki javnaði Pætur Petersen fyri HB.
Skála vann sannførandi 2-0 sigur á TB. Skála var eisini á odda 2-0 í hálvleikinum.
Sigurin kundi verið størri, um Skála tók av mongu málmøguleikunum.
Í fimta dystinum í øðrum umfari eydnaðist tað AB at vinna sær fyrsta sigurin í ár.
Framherjin, Bjarki Nielsen skoraði tvær ferðir í 2-1 sigrinum á ÍF, sum framvegis ikki hevur vunnið sær nakað stig.
Víkingur-KÍ 2-2 (0-0)
| 60 min. | 1-0 | Sølvi Vatnhamar |
| 65 min. | 1-1 | Jóannes Bjartalíð |
| 73 min. | 2-1 | Heðin Hansen |
| 78 min. | 2-2 | Deni Pavlovic |
EB/Streymur-B36 1-2 (0-1)
| 32 min. | 0-1 | Brian Jakobsen |
| 62 min. | 0-2 | Brian Jakobsen |
| 75 min. | 1-2 | Poul G. Olsen |
HB-NSÍ 1-1 (0-1)
| 08 min. | 0-1 | Petur Knudsen |
| 57 min. | 1-1 | Pætur Petersen |
Skála-TB 2-0 (2-0)
| 24 min. | 1-0 | Søren Nielsen |
| 27 min. | 2-0 | Ronni Møller Iversen |
AB-ÍF 2-1 (0-0)
| 63 min. | 1-0 | Bjarki Nielsen |
| 82 min | 2-0 | Bjarki Nielsen |
| 86 min | 2-1 | Dávid Langgaard |
Støðan
| 1. B36 | 6 stig |
| 2. Víkingur | 4 stig |
| 3. NSÍ | 4 stig |
| 4. TB | 3 stig |
| 5. Skála | 3 stig |
| 6. AB | 3 stig |
| 7. KÍ | 2 stig |
| 8. HB | 2 stig |
| 9. EB/Str | 0 stig |
| 10. ÍF | 0 stig |
