Almennu feløgini áseta sína egnu løn

02.04.2019 - 12:52
AktueltPolitikkur
Almennu feløgini áseta sína egnu løn
Almennu partafeløgini skulu sjalvi gera uppskot um lønarpolitikk
Føroya Tele er millum partafeløgini, sum landið eigur
 

Tað stendur í frágreiðingini um eigarapolitikk landsins, sum Poul Michelsen, landsstýrismaður, legði fyri løgtingið fyrrapartin.

Poul Michelsen spurdi, um tað er rímiligt, at ávísir stjórar í almennum partafeløgum fáa væl yvir 100.000 krónur um mánaðin.

Hann svaraði, at vit mugu gera okkum púra greitt, at tað kostar at fáa fólk við góðum førleikum at stýra landsins vinnufyritøkum. Og landsins vinnufyritøkur skulu sjálvandi vera kappingarførar um tey bestu fólkini, segði Poul Michelsen.

Kappingarfør, men ikki førandi

Lønin skal vera kappingarfør, men hon skal ikki vera førandi, hon skal ikki leggja støðið. Tað er galdandi fyri bæði nevndarsamsýningar og stjóralønir.

Poul Michelsen segði, at nevndirnar í almennu vinnufeløgunum gera uppskot um ein samsýningarpolitikk, sum tekur atlit til ábyrgd, arbeiðsbyrðu, samsýningini í øðrum almennum vinnufeløgum og nevndarsamsýningini í øðrum sambæriligum privatum føroyskum vinnufeløgum.

Uppskotið er so, at landsstýrismaðurin leggur samsýningarpolitikkin hjá einstaka vinnufelagnum fyri landsstýrið til kunningar.

Á hendan hátt er møguligt at samskipa samsýningar í landsins vinnufeløgum, sigur Poul Michelsen. Aðalorðaskifti um eigarapolitikkin verður hósdagin.

 
Nýggjastu sendingar í ÚV
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Fríggjadag 26. februar
Morgunlesturin fríggjamorgunin 26. februar 2021
120516
Fríggjadag 26. februar
Søgan um Black Birds (2:2)
120835
Hósdag 25. februar
RagnarRokk 25.februar 2021
120620
Nýggjastu sendingar í SV
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Jørðin II (6:6) - Býir
120719