- Tíðindi, mentan og ítróttur
Hava funnið vrakpetti av horvnum flogfari
Hava funnið vrakpetti av horvnum flogfari
Hildið verður, at øll, sum vóru við flogfarinum, eru deyð

Flogfarið datt niður har eysturi í Russlandi, og hildið verður, at øll, sum vóru við, eru deyð.
Mynd: AFP/Ritzau Scanpix
24.07.2025 - 10:47
Vrakpetti eru funnin av einum flogfari, sum russisku loftferðslumyndugleikarnir mistu sambandið við í morgun.
Flogfarið datt niður har eysturi í Russlandi, og hildið verður, at øll, sum vóru við, eru deyð.
Guvernørurin í økinum, Vasily Orlov, sigur sambært Reuters, at 43 fólk vóru við flogfarinum, teirra millum fimm børn, og manningin, sum taldi seks fólk.
Russiska tilbúgvingarmálaráðið sigur, at 40 fólk vóru við flogfarinum.
Angara Airlines átti flogfarið, og loftferðslumyndugleikarnir mistu sambandið við tað stutt fyri, at tað skuldi seta í Amur-økinum nærindis kinesiska markinum.
Nýggjastu sendingar í ÚV
Nýggjastu sendingar í SV


























