Kringvarp Føroya sigur frá dystinum millum HB og Brøndby

Í tíðindunum í kvøld søgdu vit frá løgregluni, at nógv fólk var komið saman á Skálatrøð í sambandi við dystin millum HB og Brøndby. Hetta vóru serliga danskir áskoðarar, sum eru komnir til Føroya í rímiliga stórum tali.

Vit søgdu eisini, og tað var eisini frá løgregluni, at tað kundi fara at tarna ferðsluni, tá hesi viðhaldsfólk skuldu niðan á Tórsvøll til dystin, sum byrjar klokkan 19.45, og vit nevndu rutuna tey skuldu ganga.

Nú kunnu vit so siga, at ferðslan neyvan verður tarnað stórvegis afturat, í øllum førum áðrenn dystin, tí fjeppararnir hjá Brøndby eru longu komnir niðan á Tórsvøll.

Hinvegin kann væntast, at fjeppararnir fara omanaftur í býin eftir dystin, og so kann vera, at tað fer at tarna ferðsluni eitt sindur tá.

Annars kunnu vit leggja afturat, at útvarpið hjá KvF sendir frá dystinum. Dysturin byrjar klokkan 19.45, men Kringvarpið byrjar at senda frá dystinum umleið klokkan 19.00.