Barsilsfarloyvið verður nú longt

01.05.2019 - 14:39
AktueltSamfelag
Barsilsfarloyvið verður nú longt
Barsilsfarloyvið verður longt við tveimum vikum, samtykti løgtingið fyrrapartin
Barsilsfarloyvið er nú longt upp í 48 vikur, samtykti løgtingið við triðju viðgerð fyrrapartin
 

Barsilsfarloyvið er nú longt upp í 48 vikur. Tað samtykti løgtingið við triðju viðgerð fyrrapartin. Barsilsfarloyvið var 46 vikur frammanundan

Løgtingið samtykti samstundis, at foreldrini skulu gera av, hvussu tey nýta barsilsfarloyvið. Tað samtyktu 17 løgtingsfólk, meðan 16 vóru ímóti.

Mæltu til at broyta uppskot

Í uppskotinum, sum varð lagt fyri løgtingið, varð mælt til, at onnur vikan skuldu markast til pápan, meðan hina vikuna skuldu foreldrini taka avgerð um.

Meirilutin í Rættarnevndini mælti til, at broyta uppskotið, so foreldrini sjálvi gera av, hvussu tey nýta tær tvær vikurnar, sum nú eru lagdar aftrat barsilsfarloyvinum. Tað samtykti løgtingið.

Ruth Vang, tingkvinna hjá Framsókn, upplýsti í løgtinginum, at ætlanin var, at báðar vikurnar skuldu markast til pápan, men tað var ikki semja um í landsstýrinum.

Broyting varð samtykt

Tí varð ein semja gjørd, sum segði, at onnur vikan skuldi markast til pápan, meðan foreldrini sjálvi skuldu gera av, hvussu hin vikan skuldi nýtast.

Meirilutin í Rættarnevndini segði seg vera av tí sannføring, at foreldrini eru tey, sum sjálvi skulu avgera, hvussu hesar báðar vikurnar skulu skipast, og legði tí eitt broytingaruppskot fram um tað.

Meirilutin vísti á, at við broytingini kunnu foreldrini avtala sínámillum, hvør av teimum brúkar tær báðar vikurnar, sum barsilsfarloyvið nú verður longt. Tann broytingin varð samtykt.
 

 
Nýggjastu sendingar í ÚV
Týsdag 4. august
Tá makrelurin broytti Føroyar (1:6)
111887
Mánadag 3. august
Umhvørvið og eg - klæðir
111635
Mánadag 3. august
Fótbóltsprát 3. august
111945
Nýggjastu sendingar í SV
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807