Georgia - Føroyar: Poul Kallsberg fær fyrstu landsliðsminuttirnar

Poul  Kallsberg fær sín fyrsta landsdyst, tá Føroyar spæla ímóti Georgia í Tblisi seinnapartin.

Landsliðsvenjarin, Eyðun Klakstein, hevur blandað kortini væl, og fleiri broytingar eru í byrjanaruppstillingini í mun til undanfarnu landsdystirnar.

Millum annað byrjar Gullbrandur Øregaard inni í føroysku miðverjuni, Daniel Johansen fær kjansin á vongbakkinum og Patrik Johannesen er fremsti maður.

Føroyska liðið:

Bárður á Reynatrøð; Daniel Johansen, Viljormur Davidsen, Gunnar Vatnhamar, Gullbrandur Øregaard, Jann Benjaminsen; Hanus Sørensen, Jákup Biskopstø Andreasen, Noah Mneney, Poul Kallsberg; Patrik Johannesen.

Á bonkinum sita Mattias Lamhauge, Ari Petersen, Andrias Edmundsson, Odmar Færø, Jóannes Kalsø Danielsen, Martin Agnarsson, Brandur Hendriksson Olsen, Hallur Hansson, Adrian Justinussen, Árni Frederiksberg, Páll Klettskarð og Petur Knudsen.

Venjingardysturin millum Georgia og Føroyar verður spældur á risastóra Dinamo Arena í Tbilisi, og byrjar klokkan 17.00. Kringvarpið vísir dystin beinleiðis í sjónvarpinum frá klokkan 16.50.