Krafta Energy byrjar um stutta tíð

- Vit hava eisini gassolju í tangunum, og vit hava fingið fyrispurningar, um at vera heilsøla til onkran, sum ætlar at selja til hús og virkir.

Tað sigur Rói Kalsø, annar av stjórunum í Krafta Energy, sum hann hevur stovnað saman við Leif Hovgaard, Smyril Line, Framherja, Farcod og JFK. Teir báðir stjórarnir eiga hvør síni 10 prosent av partapeninginum.

Men tað eru skipini, sum Krafta Energy skal taka sær av fyrst og fremst. Tangarnir, sum skulu flyta oljuna til skipini, komu til landið við Norrønu mikukvøldið og oljan er á veg til Føroya. Hon verður koyrd í tangarnar mánadagin.

- Vit skulu gera nakrar royndir áðrenn og so eru vit um at vera klárir. Málið er vika 25, sigur Rói Kalsø.

Vit eru í viku 23 nú, so tað eru bara 10-14 dagar, so byrjar virksemið hjá fyritøkuni, sum hevur skrivstovu í Havn og goymslu á Strondum. Og tað hava teir, tí tað er mitt í landinum og kajumstøðurnar eru góðar, leggur stjórin afturat.

Trýst á leinki og hoyr alt innslagið, sum var í útvarpinum klokkan 18.00: