- Tíðindi, mentan og ítróttur
Seks vilja selja Posta
07.05.2019 - 13:15
Aktuelt›Vinna
Seks vilja selja Posta
Uttanríkis- og Vinnumálaráðið fekk seks tilboð í sambandi við ráðgeving, nú P/F Postverk Føroya skal seljast

Posta skal seljast og um eina viku verður greitt, hvør skal hjálpa landsstýrinum at selja
Flestu tilboðini eru úr Føroyum. Evsta mark at koma við tilboði var í gjár. Tilboðini verða latin upp í dag, og vinnarin verður kunngjørdur um eina viku.
Løgtingið samtykti stutt fyri jól í fjør at loyva landsstýrismanninum í uttanríkis- og vinnumálum at selja partapeningin í P/f Postverki Føroya.
Ráðgevi skal standa fyri søluni
Í sambandi við søluna hevur Uttanríkis- og Vinnumálaráðið brúk fyri ráðgeva at standa fyri søluni.
Søluráðgevin skal í samstarvi við Uttanríkis- og Vinnumálaráðið fyrireika og standa fyri tilgongdini at selja Postverkið.
Tilboðini eru vektað soleiðis, at kostnaðurin er helvtin, og hin helvtin er tilgongd, førleikar og annað.
Sí eisini
Nýggjastu sendingar í ÚV
Nýggjastu sendingar í SV