Sjey fólk latið lív í Donau í Budapest

Sjey fólk eru deyð, og 21 fólk eru enn ikki komin aftur í aftur, eftir at ein bátur við ferðafólki í hvøldist í Donau-ánni í Budapest í gjár.

Í bátinum vóru ferðafólk úr Suðurkorea. Báturin hevði tilsamans 33 fólk umborð, umframt skipsmanning.

Báturin lá rættiliga tætt við parlamentsbygningi í Budapest, tá ein annar bátur rendi í hann. Báturin hvøldist og sakk. 

Fleiri bjarningarbátar komu á staðið stutt aftan á, og leitað verður enn eftir teimum fólkunum, sum ikki eru komin aftur í aftur. 

Ein talsmaður hjá ungarnsku løgregluni, Kristof Gal, segði í nátt, at leitingin fevnir um fleiri kilometrar í Donau-ánni. 

Veðrið í Budapest hevur ikki verið av tí besta seinastu dagarnar - vatnstøðan í Donau-ánni hevur verið høg, og hetta hevur seinkað bjarningararbeiðinum. 

Í gjár søgdu lokalir miðlar, at summi lík eru funnin heilar tríggjar kilometrar frá staðnum, har vanlukkan hendi.