Í morgin verður skotið ígjøgnum

Hátíðarhaldið verður í Ítróttarhøllini á Hálsi í Havn, tí skotið verður latið av 5.274 metrar inni í tunlinum hvítanesmegin, sigur P/f Eystur og Sandoyartunlar í tíðindaskrivi.

Av tí at skotið verður latið av so langt inni í tunlinum, verður ikki mett ráðiligt at nógv fólk eru í tunlinum, men hendingin verður víst á stórskíggja í høllini.

Á hátíðarhaldinum bjóðar nevndarformaðurin, Bergur Poulsen, vælkomin, síðani halda Heðin Mortensen, landsstýrismaður í samferðslumálum, og Niclas Foldbo, ein av verksetarunum, røðu, áðrenn Heðin Mortensen letur seinasta skotið av.