Munurin millum keypt og selt minkar

Munurin millum innflutning og útflutning í Føroyum er farin nakað niður um milliardina.

Men nú mai er komin aftur at hagtølunum, er munurin tó størri enn hann var.

Frá juni í fjør til mai í ár er útflutt fyri 896 milliónir krónur meira enn frá 2017 til 2018.

Frá mai til apríl var munurin bara 729 milliónir krónur.

Munurin var størri fyri einum ári síðani. Frá juni í 2017 til mai í fjør var hann næstan ein milliard og 200 milliónir krónur.

Meira innflutt

Nú verður meira innflutt og minni útflutt, sambært hagtølum, sum Hagstovan kunnger.

Til 1.juni í ár vaks innflutningurin níggju prosent, góðar 600 milliónir krónur.

Útflutningurin vaks fýra prosent, 317 milliónir.

Fiskaútflutningurin vaks bara trý prosent.

Oljan telur nógv í innflutninginum. Brennievnini vuksu 19 prosent í innflutningstølunum frá juni í fjør til mai í ár.