Bjargað tá bátur fór at leka

24.07.2019 - 08:10
Aktuelt112
Bjargað tá bátur fór at leka
Sjey fólk vórðu bjargað, tá ein bátur fór at leka í Djúpunum í gjár
Øll sjey fólkini blivu bjargað, tá ein glastrevjabátur fór at leka norðarlaga í Djúpunum undir Kalsoyarlandinum fyrrapartin í gjár
Mynd: © vorn.fo  
 

Øll sjey fólkini blivu bjargað, tá ein 30 føtur langur glastrevjabátur fór at leka norðarlaga í Djúpunum undir Kalsoyarlandinum fyrrapartin í gjár.

Fólkini umborð royndu at oysa við spannum og øðrum, sum var til taks. Báturin hevur eisini tvær elpumpur og hondpumpu.

Vandi var fyri, at báturin fór at søkka

Men trupult var at halda bátin lens, og vandi var fyri, at báturin fór at søkka, sigur MRCC.

Báturin sigldi sjálvur til annan bát, sum var staddur tætt við. Eisini vórðu boð send eftir Brimli, sum var staddur hálvan fimta fjórðing haðani.

Báturin, sum lak, hevði gummibát til átta fólk. Seks fólk fóru í hann, men eigarin bleiv sjálvur verandi umborð á glastrevjabátinum. 

Øll vóru í bjargingarvestum

Øll fólkini vóru í bjargingarvestum. Brimil kom á staðið og setti arbeiðsbátin á sjógv við pumpum og útgerð at tetta lekan við. 

Tey seks fólkini, sum vóru í gummibátinum, fóru umborð á Brimil, og hava tað eftir umstøðunum gott, sigur Sjóbjarginarstøðin, MRCC.

Brimil sleipaði bátin til Klaksvíkar. MRCC upplýsir, at beint áðrenn glastrevjabáturin fór at leka, hoyrdist hvøllur brestur, so helst hevur báturin borið við eitthvørt í sjónum.

 
Nýggjastu sendingar í ÚV
Fríggjadag 28. februar
Óhoyrt: Tey gomlu bjóða av
105425
Fríggjadag 28. februar
Dagsins yrking - Atferð 1 2 3
104580
Fríggjadag 28. februar
Pressan: Pengar til krabba er Public Service
105417
Fríggjadag 28. februar
Morgunlesturin fríggjamorgunin 28. februar 2020
105066
Nýggjastu sendingar í SV
Hósdag 27. februar
Depotið 01
105393
Hósdag 27. februar
Hyggjuráðið
105384
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214