9.000 fólk burturflutt: Tamarhald mist á eldi

20.08.2019 - 09:31
AktueltÚtheimurin
9.000 fólk burturflutt: Tamarhald mist á eldi
Skógareldarnir á feriuoynni, Gran Canaria, breiða seg
Tamarhald er ikki á skógareldum í Gran Canaria og sløkkiarbeiðið er trupult
Mynd: © AP  
 

9.000 fólk á Gran Canaria eru flutt burtur, tí skógareldar breiða seg á feriuoynni. Tamarhald er ikki á eldinum og sløkkiarbeiði er trupult, siga myndugleikarnir.

Eldhavið har norðuri á oynni breiðir seg skjótt í turra vøkstrinum, hitin er oman fyri 30 stig onkustaðni, luftin er turr, og tað hevur verið fitt av vindi.

Síðsti brandurin kyknaði leygardagin í fjallabygdini Tejada, sum liggur hægst á Gran Canaria, og staðið er væl umtókt hjá bæði ferðafólkum og íbúgvum.

 >> SÍ EISINI – Fólk eru eitt sindur bangin

Logarnir eru um at gera av við partar av Tamadaba náttúrulundini, sum er eitt stórt friðað náttúruøki, ið røkkur frá ovastu fjøllum til eysturstrondina. Nátturulundin stendur á listanum hjá Unesco fyri sítt lívfrøðiliga margfeldi.

Nógvir vegir á Gran Canaria eru avbyrgdir av eldibrandinum, sum brannfólkini kalla eitt monstur, skrivar NRK. Fyribils hóttir eldurin ikki tey stóru ferðafólkamálini við strendurnar.

Sambært myndugleikunum á staðnum eru bara fáir turistar fluttir frá hotellum í fjallalendinum og niður til tryggari støð.

 
Nýggjastu sendingar í ÚV
Fríggjadag 22. november
Pressan: Skyldan hjá miðlum at ummæla
101327
Fríggjadag 22. november
Góðan morgun, Føroyar 22. november 2019
101326
Fríggjadag 22. november
Morgunlesturin fríggjamorgunin 22. november 2019
101176
Hósdag 21. november
Breddin
101309
Hósdag 21. november
Nón - 21. november 2019
101307
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936