Ansa eftir flúgvandi valplakatum

Fitt av vindi og regni var aftur í nátt og í morgun, og tað hevur havt við sær, at nógvar valplakatir eru foknar ella skrædnaðar, og liggja og rekast ymsastaðni um landið.

Løgreglan hevur tikið fleiri valplakatir upp um vikuskiftið og aftur í nátt og í morgun.

Sløkkiliðið í Havn hevur eisini tikið valplakatir upp, og flokkarnir fáa tær aftur á sløkkiliðsstøðini í Havn, upplýsir løgreglan.

Hon heitir samstundis á flokkarnar og valevnini um at kanna valplakatirnar, so tær kunnu festast betri, so tær ikki eru til ampa fyri ferðslu ella fólk.