Hægstirættur kemur nú við sínum úrskurði

Hægstirættur í Bretlandi skal fyrrapartin taka støðu til, um avgerðin hjá Boris Johnson, forsetisráðharra, at senda tingið til hús, er í stríð við lógina.

Verður niðurstøðan, at forsetisráðharrin handlaði uttan lógarheimild, kann parlamentið verða kallað saman aftur beinanvegin, skrivar bretska kringvarpið, BBC.

Virða niðurstøðuna hjá hægstarætti

Stjórnin í Bretlandi sigur, at hon fer at virða niðurstøðuna hjá hægstarætti. Bretski forsætisráðharrin, Boris Johnson, er í løtuni á veðurlagsráðstevnu New York.

Boris Johnson vil ikki útihýsa møguleikanum fyri, at hann fer at gera enn eina roynd at enda tingsetuna, um úrskurðurin hjá hægstarætti ikki fellur í hansara lut.

Sum nú er, kemur tingið í Bretlandi saman aftur 14. oktober, og Bretland fer úr ES 31. oktober uttan nakra avtalu.