Óvist hví laksur slapp

Í fyrstu atløgu vóru boðini, at eini 10.000 laksar, sum vigaðu í miðal beint niðanfyri fýra kilo, vóru sloppnir út frá sláturvirkinum. Fiskimálaráðið broytti seinni talið til 17.200.

Ókent tal av rýmda laksinum er smittaður við virussjúkuni PD, og vandi er fyri, at villlaksur kann verða smittaður av sama virusi.

Álagt eftirlit við 15 áum

Talan er helst um, at skrúvan á einum báti hevur gjørt hol í nótina, og laksurin er sloppin út tann vegin.

Norska fiskimálaráðið skrivar í tíðindaskrivi, at sláturhúsið nú hevur fingið álagt at hava eftirlit við 15 áum, har laksur plagar at koma niðan í.

Alifyritøkan skal eisini taka slopnan laks úr áunum. Higartil eru 3.123 laksar tiknir. Higartil í ár eru umleið 300.000 alilaksar slopnir úr norksum alibrúkum.