Brexit-avtala fingin í lag

– Hetta er ein rímilig avtala við javnvág fyri bæði ES og Stórabretland, og hon vitnar um okkara vilja til at finna eina loysn, sigur ES-nevndarformaðurin.

Jean-Claude Juncker, ES-nevndarformaður, viðmælir ES til, at góðkenna avtaluna á toppfundinum, sum verður í Brússel í dag.

– Vit hava fingið eina frálíka avtalu í lag, sum tryggjar okkum tamarhald. Nú átti Parlamentið at fullført Brexit leygardagin, so vit kunnu flyta okkum til onnur mál, skrivar Boris Johnson.

Greinin heldur fram niðanfyri

We’ve got a great new deal that takes back control — now Parliament should get Brexit done on Saturday so we can move on to other priorities like the cost of living, the NHS, violent crime and our environment #GetBrexitDone #TakeBackControl

— Boris Johnson (@BorisJohnson) October 17, 2019

Norðurírski stuðulsflokkurin hjá teimum konservativu, DUP, boða frá, at flokkurin framvegis ikki kann taka undir við avtaluni í verandi líki. Tað eru fleiri viðurskifti, sum stuðulsflokkurin ikki kann taka undir við. Millum annað toll- og MVG-viðurskifti.

Avtalan hjá Boris Johnson er treytað av, at ein loysn verður funnin viðvíkjandi markinum millum Norðurírland og Írland. Theresa May fekk ikki undirtøku fyri sokallaðu 'backstop' loysnini fyrr í ár. 

Nýggja uppskotið hjá forsætisráðharranum hevði merkt, at Norðurírland fær aðrar treytir enn restin av Bretlandi, og tað er millum annað hetta, sum DUP er stúrin um.