Toskafiskiskapurin í Vesturgrønlandi minkar

Landstingið hevur seinastu fimm árini ásett kvotur sum eru upp til tríggjar ferðir hægri enn tilmælið hevur verið, og tað sæst aftur í fiskiskapinum, sigur Else Løvstrøm, kunningarfólk í náttúrustovninum.

Else Løvstrøm sigur, at seinastu fimm árini hevur toskastovnurn verið í afturgongd, men kortini hava kvoturnar verið stórar.

Hon vísir á, at í fjør varð mælt til at fiska 14.000 tons av toski innanskerðs í Vesturgrønlandi. Landstingið ásetti kvotuna til 36.500 tons, fiskað vórðu góð 22.000 tons.

Sama støðan í 2017

Í 2017 var støðan tann sama, tilmælið var góð 12.000 tons, men Landstingið ásetti kvotuna at vera tríggjhar ferðir hægri, ella góð 36.000 tons. Og góð 31.000 tons vórðu fiskað.

Í Sisimiut komu bara 800 tons av toski upp á land fyrstu níggju mánaðirnar í ár, í mun til 3.500 tons í 2016. Í øllum landium vórðu bara 19.000 tons landað í ár, í mun til 30.000 tons í 2016, sambært grønlendsku hagstovuni.

Jens Immanuelsen, landsstýrismaður í fiskivinnumálum sigur, at arbeiðspláss og búskapurin í GRønlandi, hava størri týdning enn tilmælini frá fiskifrøðingunum.

Í ár mæltu fiskifrøðingar til at fiska 14.500 tons av toski í Vesturgrønlandi, men Landstingið ásetti kvotuna til 30.000 tons.