Smyril Line keypt nýtt farmaskip

Akranes er 138 metrar langt og 23 metrar breitt. Skipið siglir í løtuni undir finskum flaggi við finskari manning, sum telur 24 mans. 

Smyril Line fer at skráseta Akranes í føroysku altjóða skipaskrásetingini og manna tað við føroyingum. 

Smyril Line fimm skip nú

Tá ið Akranes legst afturat tann 20. desember, eru fimm skip í flotanum hjá Smyril Line. Hini eru Norröna, Mykines, Eystnes og Hvítanes.

Akranes fer at sigla millum Havnina, Þorlákshöfn í Íslandi og Hirtshals -  úr Hirtshals til Havnar fríggjadag, og úr Havn til Hirtshals týsdag. 

Tá Akranes kemur, fer Smyril Line at sigla til Bretlands aftur. Hvítanes og Eystnes fara at sigla millum Havnina, Scrabster, Hirtshals og Sankta Pætursborg.