Frágreiðing: Trump hevur misnýtt embætið

04.12.2019 - 15:34
AktueltÚtheimurin
Frágreiðing: Trump hevur misnýtt embætið
Amerikanski forsetin, Donald Trump, hevur misnýtt embæti sítt sum forseti, stendur í einari frágreiðing, sum demokratarnir hava kunngjørt
Rættarnevndin fer nú at viðgera eina frágreiðing um Donald Trump, sum fregnartænastunevndin í amerikansku kongressini hevur skrivað eftir hoyringarnar seinastu vikurnar
 

Frágreiðingin er 300 síður. Fregnartænastunevndin í amerikansku kongressini hevur skrivað frágreiðingina, sum er ein samandráttur av hoyringunum seinastu vikurnar.

Rættarnevndin fer nú at viðgera frágreiðingina, og síðani fer umboðsmannatingið formliga at taka støðu til, um grundarlag er fyri at byrja eitt ríkisrættarmál móti Trump.

Frágreiðingin viðger Ukraina-málið

Frágreiðingin viðger Ukraina-málið, sum tað verður nevnt, har Trump verður lagdur undir at hava lagt trýst á ukrainska forsetan, Zelinskij, til tess at fáa hann at kanna fyrrrverandi amerikanska varaforsetan, Joe Biden, og son hansara, Hunter Biden, fyri mutur.

Demokratarnir siga, at forsetin við at gera hetta hevur misnýtt embæti sítt. Teir siga eisini, at Donald Trump helt fleiri milliardum dollarum aftur, sum Ukraina skuldi nýta til hernaðarlig endamál, til hann hevðí fingið vissu fyri, at ukrainski forsetin fór at kanna feðgarnar, Joe og Hunter Biden.

Republikanararnir vísa skuldsetingunum aftur og siga, at forsetin hevur einki ólógligt gjørt. Donald Trump hevur viðgingið, at peningur varð hildin aftur, men hann vísir aftur, at tað varð gjørt fyri at leggja trýst á Zelenskij, forseta í Ukraina.

 
Nýggjastu sendingar í ÚV
Mikudag 11. desember
Morgunlesturin mikumorgunin 11. desember 2019
102059
Týsdag 10. desember
Breddin
102050
Týsdag 10. desember
Góðan morgun Føroyar 10. desember 2019
102024
Týsdag 10. desember
Morgunlesturin týsmorgunin 10. desember 2019
102058
Nýggjastu sendingar í SV
Sunnudag 8. desember
Andakt við Marjuni í Kálvalíð
101975
Sunnudag 8. desember
Møti úr Nebo á Toftum
101977
Leygardag 7. desember
Úr savninum: Frætt & fregnað 11:12
101962
Leygardag 7. desember
Úr savninum: Matur og matgerð - røst riv
101961