Sjúrður og Lea hava fund um grindatvøst

14.12.2019 - 10:39
AktueltPolitikkur
Sjúrður og Lea hava fund um grindatvøst
Lea Wermelin, umhvørvismálaráðharri, er til reiðar at hitta Sjúrð Skaale, fólkatingsmann, men hon ætlar ikki at broyta reglurnar
 

Danski umhvørvismálaráðharrin, Lea Wermelin, og Sjúrður Skaale, fólkatingsmaður, fara at hava fund um at flyta inn grindatvøst, ella grindekød, sum sagt verður á donskum, til Danmarkar.

Tað er forboðið at flyta grind inn í Danmark, tí grindin er søgd at kunna verða hótt, um einki mark er sett fyri, hvussu nógv grind kann seljast.

Lea Wermelin sigur, at Danmark ger eftir ES-reglum.

Føroyingar, sum ikki búgva í Føroyum, kunnu tó taka við sær til Danmarkar tíggju kilo av grindatvøsti úr Føroyum.

Men hetta tvøstið má ikki seljast. 

Sjúrður Skaale ætlar eisini viðgera spurningin um sektina, fólk fáa fyri at innflyta grindatvøst til Danmarkar.

Sektin er 5.000 kr. og 10.000 kr. aðru ferð. 

Ætlar ikki at broyta reglurnar 

Lea Wermelin sigur, at Danmark hevur ongar ætlanir um at fáa ES-reglurnar um slíkan innflutning broyttar.

Men hon tekur av innbjóðingini hjá Sjúrði Skaale um at tosa um grindatvøst.

Miljøstyrelsen í Danmark veit, at sendingar við tvøsti úr Føroyum eru meldaðar til politiið og sekt er latin.

Talan er um fimm mál seinastu trý árini. Tey trý eru ikki endað enn. 

 
Nýggjastu sendingar í ÚV
Týsdag 11. august
Tá makrelurin broytti Føroyar (2:6)
112157
Týsdag 11. august
Summartímin 11. august
112208
Týsdag 11. august
Góðan morgun Føroyar 11.08.2020
112186
Mánadag 10. august
Umhvørvið og eg - matoyðsl
111632
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807