Akranes komið í flotan

Hálvan januar er ætlanin, at nýggjasta skipið hjá Smyril Line, Akranes, byrjar at sigla við farmi millum Havnina, Þorlákshöfn í Íslandi og Hirtshals í Danmark.

Smyril Line hevur keypt Akranes frá finska reiðarínum Bore Ltd fyri góðar 96,7 milliónir krónur. Akranes varð skrásett í føroysku altjóða skipaskrásetingini 20. desember.

Akranes er bygt á Sterkodder skipasmiðjuni í Noregi í 1998. Akranes er 138 metrar langt og 23 metrar breitt.