Mótmælisfólk: Trygdarlið skjóta við skørpum

13.01.2020 - 13:18
AktueltÚtheimurin
Mótmælisfólk: Trygdarlið skjóta við skørpum
Ein kvinna sigur, at hon sá sjey fólk verða skotin undir eini mótmælisgongu í Teheran, men myndugleikarnir vísa hesum aftur
 

Nógv bendir á, at iranskir myndugleikar hava skotið við skørpum fyri at spjaða mótmælisfólk í høvuðsstaðnum, Teheran.

Sjónarváttar og upptøkur á sosialum miðlum siga, at fleiri eru særd, skrivar The Guardian.

Fleiri hundrað mótmælisfólk fóru út á gøturnar, hóast trygdarlið vóru á varðhaldi, til minningarhald um dagin og mótmælisgongur um kvøldið á Azadi-torginum í miðbýnum í Teheran.

Tey mótmæla bæði niðurskjótingini av ukrainska flogfarinum mikudagin, og at Iran ikki tók ábyrgdina av vanlukkuni fyrr enn nakrar dagar seinni.

Skutu við skørpum

Ein sjónarváttur sigur, at trygdarlið fyrst skutu táragass, men síðan við skørpum fyri at spjaða mannamúgvuna.

 Kvinnan útvegaði eisini upptøkur, sum vístu blóðblettir á gongubreytini. 

 - Eg sá sjey fólk verða skotin. Blóð er allastaðni, segði ein maður á eini aðrari uppøku. 

Á eini aðrari upptøku eru fleiri liggjandi fólk, sum síggja út til at vera særd, teirra millum er ein kvinna. 

 - Teir skutu hana við eini kúlu, sigur ein maður á upptøkuni.

Løgreglan vísir aftur

Løgregluovastin í Teheran sigur í dag, at tað varð ikki skotið við skørpum undir mótmælistiltøkunum í gjár, og at løgreglumenninir høvdu fingið boð um at halda aftur. 

Amerikanski forsetin, Donald Trump, tekur undir við mótmælisfólkunum á Twitter.

 - Drepið ikki tykkara mótmælisfólk. Heimurin hyggur at, og USA hyggur at, skrivaði Donald Trump.

 
Nýggjastu sendingar í ÚV
Leygardag 22. februar
Á Quiztinum - 6. innleiðandi umfar
105136
Leygardag 22. februar
Vanlukkan í Vesturísinum (7:8)
104375
Leygardag 22. februar
Jambalaja 220220
105154
Nýggjastu sendingar í SV
Leygardag 22. februar
Flogbóltur: Mjølnir - SÍ
105160
Leygardag 22. februar
Flogbóltur: SÍ - Mjølnir
105161
Hósdag 20. februar
Hyggjuráðið
105088