- Tíðindi, mentan og ítróttur
Varðhaldsfongslaður fyri harðskap móti politinum
Varðhaldsfongslaður fyri harðskap móti politinum
Illgruni var um, at maðurin hevði stolið eina luftbyrsu í einum handli í Havn
20.01.2020 - 10:09
Ein maður er varðhaldsfongslaður í 14 dagar, skuldsettur fyri harðskap móti politinum.
Maðurin skuldi handtakast heima við hús, tá hann skal hava framt harðskapin, sum hann er skuldsettur fyri.
Leygardagin boðaði ein handil í Havn frá, at ein luftbyrsa var stolin.
Gasspatrón
Talan er um eina e-gun, sum hevur gasspatrón. Hesar byrsur eru kraftamiklari enn vanligar luftbyrsur.
Politiið hevði illgruna um ein ávísan mann og fór heim til hansara.
Men hann gjørdi so nógva mótstøðu, at hann í grundlógaravhoyring varð varðhaldsfongslaður í 14 dagar.
Er kopiera
Nýggjastu sendingar í ÚV
Nýggjastu sendingar í SV
