Skotar hava møguleika at sleppa upp í ES

03.02.2020 - 11:47
AktueltÚtheimurin
Skotar hava møguleika at sleppa upp í ES
Fyrrverandi ES-forsetin, Donald Tusk, sigur, at flestu ES-lond høvdu tikið væl ímóti Skotlandi sum nýggjum limalandi
Donald Tusk er fyrrverandi forseti í ES
 

Tað er ikki ógjørligt hjá Skotlandi at koma upp í aftur ES, sigur fyrrverandi forsetin í ES, Donald Tusk, sambært Berlingske.

Hann vil vera við, at meginparturin av ES-londunum hevði verið fegin um at fingið Skotland upp í  aftur samveldið. 

Tað sigur hann, eftir at Bretland - og harvið eisini Skotland - fór úr ES fríggjadagin.

Um skotar skriva út fólkaatkvøðu um loysing frá Bretlandi, soleiðis sum fyrstiráðharrin, Nicola Sturgeon, hevur lovað, kann tað enda við, at Skotland aftur verður limað inn í ES, sigur Donald Tusk.

- Eg ivist ikki í, at stór undirtøka er fyri tí í Brússel, men so skulu avtalur og formlig viðurskifti fáast í lag, sigur fyrrverandi ES-forsetin.

Kemur væl við hjá Sturgeon

Útsøgnin hjá Donald Tusk kemur væl við hjá Nicolu Sturgeon, sum fleiri ferðir hevur sagt, at hon fer at stríðast fyri, at skotar fáa eina nýggja fólkaatkvøðu um loysing.

At ES vil taka ímóti Skotlandi, kann hava við sær, at fleiri skotar fara at taka undir við loysing.

62 prosent atkvøddu fyri at verða verandi í ES á Brexit-fólkaatkvøðuni  í 2016.

Á øllum valum síðani hava umleið 70 prosent av skotunum atkvøtt fyri flokkum, sum ikki tóku undir við Brexit.

Johnson sigur nei

Men Boris Johnson, forsætisráðharri í Bretlandi, hevur sagt, at hann ikki fer at geva skotunum eina nýggja fólkaatkvøðu.

Skotar høvdu fólkaatkvøðu um loysing í 2014, tá 55 prosent søgdu nei. Forsætisráðharrin sigur, at ov stutt tíð er fráliðin, at skotar kunnu fáa eina nýggja fólkaatkvøðu.

Í síðstu viku vísti ein meiningakanning, at nú vilja 51 prosent av skotunum hava loysing frá Bretlandi, skrivar Berlingske.
 

Er kopiera

Sí eisini

11.07.18
83222
  •  
Nýggjastu sendingar í ÚV
Hósdag 20. januar
RagnarRokk 20. januar 2022
133821
Hósdag 20. januar
RagnarRokk: Gary Shea um V
133820
Hósdag 20. januar
Mono: Sam Phillips - 2. partur
134363
Hósdag 20. januar
Danssival - Leon Johannesen er gestur
134348
Nýggjastu sendingar í SV
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883
Mánadag 17. januar
3-2
134193