Tikin fyri at njósnast til frama fyri Russland og Iran

Ein trygdarvørður á amerikansku sendistovuni í Olso er tikin og skuldsettur fyri at njósnast móti Noregi og USA til frama fyri Russland og Iran.

Hetta veit norska kringvarpið, NRK, at siga í dag.

Maðurin er skuldsettur fyri "grovt njósnaravirksemi", verður sagt.

Hetta er ein skuldseting, sum kann geva upp til 21 ár í fongsli.

- Hetta er eitt sjáldsamt mál. Tað er fyrstu ferð, at vit brúka júst hesa skuldsetingina, sigur Barl Fari, ríkisákæri, við NRK.

Sambært skuldsetingini hevur maðurin á fundum í Serbia, Turkalandi og Noregi givið upplýsingar til Iran og Russland, sum kunnu skaða áhugamálini hjá tjóðini.

Norska løgreglan heldur eisini, at maðurin hevur givið Russlandi og Iran tekningar av amerikansku sendistovuni í Oslo.